Երեխան ծնվել է «պոչով», որն օրեցօր մեծանում է

Չինաստանում 7 ամսական երեխան տառապում է շատ հազվադեպ հիվանդությամբ, որի հետևանքով նրա օրեցօր մեծացող ուռուցքը պոչ է հիշեցնում: Այս մասին հաղորդում է Mail Online-ը:

Սյաո Վեյի մոտ ուռուցք է առաջացել այն պատճառով, որ նա ծնվել է ողնաշարի ճողքվածքով: Նրա մայրը բժիշկներին խնդրել է հեռացնել ուռուցքը, սակայն վերջիններս հրաժարվել են՝ ասելով, որ վիրահատությունը ոչ միայն ցանկալի արդյունքի չի տա, այլև կվնասի երեխայի առողջությանը:

Ողնաշարի վրա գտնվող այս գոյացության պատճառը խոռոչն է, որից «թափվում են» երեխայի ողնուղեղի ու նրա թաղանթների մի մասը՝ առաջացնելով պարկ: Այս հիվանդությունն, ըստ բժիշկների, զարգանում է դեռևս ներարգանդային փուլում։

Հարցեր, պատասխաններ, մեկնաբանություններ